En abril de 1997, los parents de la Calandreta dau Clapàs (Montpelhièr), amb lo sosten de la Confederacion de las Calandretas an elaborat lo projècte d’un collègi laïc, gratuit occitan per la dintrada 1997. Aquel primièr collègi, Leon Còrdas, a obèrt sas pòrtas sus la comuna de Latas. Es estat creat per assegurar lo seguit pedagogic e l’escolaritat de las Calandrons. En 2000 lo collègi a mudat sus la comuna de Grabels abans d’integrar sos locals actuals en 2013 sus la comuna de Montpelhièr.

Dempuèi 2001 lo collègi prepausa un cursus de la 6na a la 3na. Uèi, compta 2 classas per cadun dels nivèls de la 6na a la 3na, per una capacitat maximala de 25 escolans per classa, siá una capacitat d’acuèlh de 200 collegians.

Dempuèi de nombrosas annadas, lo Movement a obrat sul projècte d’un licèu. En 2016-2017 los parents an trabalhat amb lo sosten de la Confederacion a l’obertura del licèu, l’objectiu essent lo meteis qu’en 1997 : assegurar una escolarizacion de la mairala a l’universitat en classa immersiva. Lo licèu a obèrt una classa de segonda experimentala en setembre de 2016. Dempuèi nosautres acompanham los liceans fins al bachelierat.

L’ensemble de las classas del collègi aital coma la classa de 2da son jos contracte amb l’Estat.

Las classas de 1ra e terminala son pas encara contractualisées.