Lo collègi dispausa d’una capacitat d’acuèlh de 200 collegians, despartits sus un total d’8 classas, 2 classas per cadun dels nivèls 6en, 5en, 4en e 3en, siá un maximum de 25 escolans per classa.
Otra l’immersion lingüistica en occitan, lo collègi Leon Còrdas plaça las lengas al còr del projècte, amb :
L’establiment, dins la continuitat pedagogica de las Calandretas, utiliza los espleches de las Tecnicas Freinet e Pedagogia Institucionala.
Las classas van donc s’estructurar a l’entorn d’un grop, mas tanben un luòc puèi que los collegians investisson per l’annada un espaci que lor es dedicat. Al contra dels autres collègis diches « tradicionals », los escolans càmbian pas de classa.
Lo conselh setmanièr permet de gerir aquel espaci e lo grop dins sos projèctes de vida e d’aprendissatge, la paraula de cadun es reconeguda e mai se l’estatut de cadun es diferent. Cada classa a son professor e son animator referents qu’asseguran lo ligam amb los autres adults e lo respècte de las institucions.
La cooperacion entre escolanas es mesa endavant dins totas las matèrias e pendent las situacions d’aprendissatge, en pensant a balhar de sens a aqueles aprendissatges e a l’utilizacion d’aqueles espleches.
L’avaloracion se fa pas amb de nòtas. Mas es pas tanpauc equivalenta a las «cenchas» del primari Calandreta. S’apièja al collègi sus un referencial de competéncias conegudas dels escolans. Aqueles «barretas» son trabalhadas puèi avaloradas per quatre colors del rog qu’es «non aquesit» en passant per l’irange, lo jaune e lo verd «completament aquesit». Es balhat la possibilitat als escolans de remediar de barretas de competéncias de saber-far a lor demanda.
Lo supòrt d’aqueles referencials es numeric «SACÒCHA» albergat pel rectorat. En classa de 4en e de 3en lo logicial SACÒCHA balha en fin de semèstre en mai dels resultats en barretas, una nòta.
Un trabalh personal es favorizat amb de tempses reservats (T.A.) Trabalh Autonòm. Aqueles tempses permeton a cada escolan d’utilizar un plan de trabalh que favoriza la progression personala, de desvolopar de projèctes comuns e de far viure la solidaritat e l’entraide dins la vida sociala e dins lo trabalh escolar (tutorat).
Los espleches numerics permeton uèi de crear aisidament de supòrts en lenga occitana e de beneficiar d’espleches d’aprendissatge eficaces e atrasents. (Wikis, Quizlets, livrescolaire.fr, padlets,……
