Lo foncionament
Situat al nòrd de la comuna de Montpelhièr, l’establiment a per objectiu d’acompanhar d’adolescents e dels adults joves en aprendissatge cap a un estatut d’adult responsable dins la societat d’uèi e dins nòstras institucions democraticas francesas e europèas.
La lenga occitana es lenga de comunicacion e de transmission dins l’establiment. Una lenga podent pas viure sens cultura, los escolans son menats a descobrir e viure aquesta. Aqueles dos factors favorizan l’aprendissatge de la ciutadanetat e la socializacion dels collegians e dels liceans.
Ensenhament
L’establiment respècta los programas e las orientacions de l’Educacion nacionala. Utiliza la Pedagogia Institucionala e las Tecnicas Freinet coma esplech de formacion dels escolans e adolescents. Aquela practica plaça lo subjècte al còr de l’institucion. L’establiment tempta de respondre als besonhs de cada jove en tenent compte que cadun d’eles aurà un trajècte de formacion e dels objectius d’orientacion diferents. L’occitan es la lenga d’ensenhament e de vida dins l’establiment.
L’ensenhament al Collègi e al Licèu es gratuit.
Es mentretant demandat a totes los parents d’aderir a l’associacion Leon Còrdas mejançant una cotizacion annala e de participar als fraisses de foncionament. Los corses an luòc diluns, dimars, dijòus e divendres de 8h30 a 12h35 e de 13h50 a 17h10 pels collegians. Se pòdon espandir de còps fins a 18h pels liceans. Lo dimècres es vacant levat pels liceans
Salle d’espòrt, vasta cort e terren d’espòrt, laboratòri, jardin, CDI equipat de material informatic, l’establiment Leon Còrdas dispausa de totes los equipaments necessaris a un aprendissatge de qualitat. De notar que dins un lagui de confòrt, cada classa dispausa de sa sala dedicada. Son atal los ensenhaires que se desplaçan, e non pas los escolans.
La restauracion escolara
Un servici de restauracion es assegurat dins l’establiment. Los repaisses son preparats per un prestatari exterior mentre que lo servici, la susvelhança e l’animacion son assegurats pel personal de l’establiment.
La presa de repais dins l’establiment es obligatòria per l’ensemble dels collegians, facultativa pels liceans.
Ligam cap al menut en linha ?
Lo semi-internat
L’establiment dispausa d’un internat integrat a la popa meteissa de sos locals. D’una capacitat de 18 plaças pels dròlles e 14 plaças per las dròllas, permet d’aculhir los escolans de totes orizonts geografics. Los escolans i son aculhits doas nuèchs per setmana (diluns e dijòus de ser). Ne saber +
Adreça
Establiment Leon Còrdas
657 carrièra de la Crotz Verda
Pargue Euromédecine
34090 MONTPELHIÈR
Tel : 04 67 04 32 32
secretariat-establiment@leon-cordas.org
L’establiment es accessible n’auto e transpòrts en comun
Tram Linha 1 – arrèst Euromédecine (10mn a pè)
Beguts 6– arrèst Antenas (a 2mn a pè)
